கெங்கவல்லியில் பயங்கர விபத்து - தந்தை, மகன் பலி 4581975

கெங்கவல்லியில் பயங்கர விபத்து - தந்தை, மகன் பலி

சேலம் மாவட்டம் கெங்கவல்லி அருகே கடம்பூர் பிள்ளையார் கோவில் தெருவை சேர்ந்தவர் சதாம் உசேன் (29). இவரது மனைவி சகிலா. இந்த தம்பதிக்கு அப்துல் பஷீர் (3) என்ற மகனும் உள்ளார்.

அவர்கள் இருசக்கர வாகனத்தில் தம்மம்பட்டி அவர்களது உறவினர் வீட்டிற்கு சென்றுள்ளனர். அங்கு சென்று மீண்டும் கடம்பூர் திரும்ப தனது இருசக்கர வாகனத்தில் வந்துகொண்டிருந்தனர்.

அப்போது திடீரென எதிர்பாராத விதமாக இரு சக்கர வாகனத்தின் மீது டிப்பர் லாரி ஒன்று மோதி விபத்துக்குள்ளானது. அவர்கள் தூக்கி வீசப்பட்டு சதாம் உசேன் மற்றும் அவரது மகன் அப்துல் பஷீர் சம்பவ இடத்திலேயே பரிதாபமாக துடிதுடித்து உயிரிழந்தனர்.

இதனை கண்டு அதிர்ச்சி அடைந்த அக்கம் பக்கத்தினர் இந்த விபத்து குறித்து காவல்துறையினருக்கு தகவல் தெரிவித்தனர். தகவல் அறிந்து சம்பவ இடத்திற்கு வந்த கெங்கவல்லி போலீஸார் இருவரின் உடலையும் மீட்டு பிரேத பரிசோதனைக்காக ஆத்தூர் அரசு தலைமை மருத்துவமனைக்கு அனுப்பி வைத்தனர்.

பின்னர் சம்பவ இடத்தை ஆய்வு செய்து இந்த விபத்து குறித்து வழக்குப்பதிவு செய்யப்பட்டது. மேலும் விபத்தை ஏற்படுத்திவிட்டு தப்பி ஓடிய டிப்பர் லாரி டிரைவரை போலீசார் தீவிரமாக வலைவீசி தேடி வருகின்றனர்.

எதிர்பாராதவிதமாக இரு சக்கர வாகனத்தில் பெட்ரோல் காரில் மோதி விபத்துக்குள்ளானதில் தந்தையும் மகனும் சம்பவ இடத்திலேயே உயிரிழந்த சம்பவம் அப்பகுதி மக்களிடையே பெரும் சோகத்தையும் பரபரப்பையும் ஏற்படுத்தி உள்ளது.